Cuando vuelvo al Avellanu,

trai´l monte olor a madre,

nel ríu canta´l llantu

perdiéndose pol valle.

 

El pañuelu que me disti,

entá guarda tos sospiros,

arrodíllense na ermita

los años que nenos fuimos.

 

Ay, Virgen del Avellanu

norte de los que van y vienen,

guárdame dientro´l pechu,

esi amor que nunca muerre.

 

Los vecinos tán bailando,

al son de gaita y tambor,

tráigoles, nos míos güeyos

la sombra d´aquel color.

 

Yá nun soi quien se marchaba,

soi quien vuelve y conoz

cada piedra del camín

onde la verdá seconde.

 

Ay, Virgen del Avellanu

lluz de los que van y vienen,

guárdame dientro´l pechu

esi amor que nunca muerre.

 

( Ha leído el poema Yasmina Álvarez )